Ni uruzinduko bagiriye mu bitaro baherekejwe n’Umuyobozi w’Akarere ka Nyanza wungirije ushinzwe imibereho myiza, Umuyobozi w'urwego rw'igihugu rw'ubugenzacyaha (RIB) ku karere n’abandi bakozi ku rwego rw’akarere kuri uyu wa 01 Ugushyingo 2025

Bakigera ku bitaro bakiriwe n’Umuyobozi Mukuru wabyo ari we Dr MFITUMUKIZA Jerome ari kumwe n’abakozi bakorera muri iyo servisi ya Isange One stop center, maze basobanurirwa imiterere n’imikorere by’iyo serivisi mu buryo bwo gufasha uwahohotewe. Nyuma yaho habayeho kungurana ibitekerezo mu buryo bwo kumenya imbogamizi zihari n’icyakorwa ngo ibibazo bikigaragara bikemuke uko bikwiye bijyanye n’imikorere y’iyo serivisi.

Ibyagarutsweho bikaganirwaho, ni ukurebera hamwe ibijyanye n’ubuvuzi buhabwa abagize ibibazo by’ihohoterwa; uburyo bw’ubujyanama mu by’imitekerereze; ubugenzacyaha; ubutabera no gusubiza mu buzima busanzwe uwagize ikibazo cy’ihohoterwa.

Aba bagize Inteko Ishinga Amategeko bakaba bijeje ubuvugizi ku mbogamizi bagaragarijwe mu rwego rwo kunoza imikorere y’iyo serivisi ya Isange One stop center.